Wednesday, April 3, 2013

முஸ்லிம்களின் சுயநலம்


சிறு வயதில் அம்மா கைப்பிடித்து நடக்கும்போது வழியில் சிறிய கல்லையோ முள்ளையோ கண்டால் என்ன ஒரு அவசர வேலையாக இருந்தாலும் அம்மா அதைக் கவனமாக ஓரமாக எடுத்துப் போட்டுவிட்டுதான் அடுத்த அடி வைப்பார்கள். அப்போது நினைத்தேன். அம்மா ஒரு மனிதாபிமானத்தில் இப்படி செய்கிறார்கள் என்று. பிறகு தான் இந்த குர் ஆன் வசனங்கள் அறிந்தேன்.

99:7. எனவே, எவர் ஓர் அணுவளவு நன்மை செய்திருந்தாலும் அத(ற்குரிய பல)னை அவர் கண்டு கொள்வார்.

4:40 (ஓர் அணுவளவு) நன்மை செய்யப்பட்டிருந்தாலும் அதனை இரட்டித்து, அதற்கு மகத்தான நற்கூலியை தன்னிடத்திலிருந்து (அல்லாஹ்) வழங்குகின்றான்.

இங்கு தான் தரவிருக்கும் கூலியாக இறைவன் கூறியுள்ளதெல்லாம் இந்த உலகில் மட்டுமல்ல.... மறு உலகிலும் தான்... இந்த உலகில் உள்ள இன்பங்கள், வாழ்க்கைதரங்களைத் தான் மனிதன் கண்டுகொண்டானே.... இவ்வுலகில் கிடைக்கும் அதிகபட்ச சந்தோஷம் என்ன என்பதையும் மனிதன் அறிந்தவையாக இருக்கும்பட்சத்தில் அதனையே அவன் மீண்டும் மீண்டும் தருவதாக்க் கூறியிருந்தால் இன்னும் அதிகமதிக நன்மைகள் செய்ய மனிதனுக்கு எங்கிருந்து ஆர்வம் வரும்?? அவன் காணாத, நினைத்துப் பார்க்க முடியாத நற்கூலிகளைத் தருவதாக இறைவன் வாக்களித்திருப்பது தானே நம்மை மேலும் மேலும் நன்மைகள் செய்யத் தூண்டுகின்றன. ஆக, யார் காலிலும் குத்திவிடக்கூடாது என கல்லை அகற்றியது பிறர்நலத்திற்காகச் செய்த்து போல் தோன்றினாலும் இறைவனின் நன்மைகளை எதிர்பார்த்து செய்ததினால் அது முழுக்க முழுக்க சுயநலம்தான்.
========================================================================

தமது பிள்ளைகளின் படிப்பு/திருமண செலவுகளுக்குப் பணம் கேட்டு வரும் உறவினர்களுக்கு/மக்களுக்கு அம்மா  அவர்களை வெறுங்கையோடு அனுப்பியதேயில்லை. அப்போ நினைத்திருக்கிறேன். அம்மா ஒரு மனிதாபிமானத்தில் அவர்களுக்கு உதவுகிறார்கள் என்று. பிறகுதான் இந்த குர் ஆன் வசனம் அறிந்தேன்.

33:35. .......... தர்மம் செய்யும் ஆண்களும், பெண்களும்; நோன்பு நோற்கும் ஆண்களும், பெண்களும்; தங்கள் வெட்கத்தலங்களை (கற்பைக்) காத்துக் கொள்ளும் ஆண்களும், பெண்களும்; அல்லாஹ்வை அதிகமதிகம் தியானம் செய்யும் ஆண்களும், பெண்களும் - ஆகிய இவர்களுக்கு அல்லாஹ் மன்னிப்பையும் மகத்தான நற்கூலியையும் சித்தப்படுத்தியிருக்கின்றான்.

அல்லாஹ்வின் நிழலைத் தவிர வேறு நிழலே இல்லாத அந்நாளில் அல்லாஹ் தன் நிழலை ஏழு பேருக்கு அளிக்கிறான். அவர்களின் ஒருவர் தம்முடைய வலக்கரம் செய்யும் தர்மத்தை இடக்கரம் அறியாதவாறு இரகசியமாக தர்மம் செய்பவர் என்று அல்லாஹ்வின் தூதர் (ஸல்) அவர்கள் கூறினார்கள். அறிவிப்பவர்: அபூஹுரைரா (ரலி) நூல்: புகாரி 660

ஆக, அம்மா,அப்பா செய்த தான, தர்மங்கள் பிறருக்கு உதவி செய்வதற்காகச் செய்திருந்தாலும் இறைவனின் நன்மைகளை எதிர்பார்த்து அவர்கள் செய்த்தினால் சுயநலத்தின் அடிப்படையில் தான்.
========================================================================

கல்லூரியில் படிக்கும்போது முதன்முதலாகப் பர்தா அணிந்த போது பவர்கட் சமயங்களில் ஸ்ஸப்பா ..... வேர்வை தாங்க முடியலையே”  என வேதனையில் இருந்த போது நினைத்திருக்கிறேன்.... அந்த சமயம் மாணவிகளாகிய நாங்கள் வேர்வையில் நெளிவதைக் கண்ட எங்கள் ஆங்கில வாத்தியார் மாண்புமிகு Y. செய்யது முஹம்மது அவர்கள் கவலைப்படாதீர்கள் மாணவிகளே.... நீங்கள் இம்மையில் படும் வேதனைகளுக்கு மறுமையில் இறைவன் நற்கூலி வழங்குவான்என்ற உண்மையினை  ஆறுதலாகக் கூறியது மறக்கவே முடியாது. அப்பொழுது இந்தக் குர் ஆன் வசனம் நினைவில் வந்து இருந்த கொஞ்ச நொஞ்ச  மன,உடல் வருத்தங்களை மறைத்தன

94:5. ஆதலின் நிச்சயமாகத் துன்பத்துடன் இன்பம் இருக்கிறது.
94:6. நிச்சயமாக துன்பத்துடன் இன்பம் இருக்கிறது.
7:42.  ....- எந்த ஓர் ஆத்மாவையும் அதன் சக்திக்குமீறி நாம் சிரமப்படுத்த மாட்டோம்; அவர்கள் சுவனவாசிகளாக இருப்பார்கள் -....
பர்தாவை பெண்களுக்கு மட்டுமே நன்மைகளை அள்ளித்தரும் மற்றுமொரு வாய்ப்பாக உணர்ந்தேன்; மகிழ்கிறேன். பிறர் பார்வையையும் எண்ணங்களையும் தீயவழியிலிருந்து பாதுகாப்பதற்காக நான் பர்தா அணிந்து கஷ்டப்பட்ட்து போல் தோன்றினாலும் என் உடலை பிறர் பார்வையிலிருந்து மறைப்பதற்காகவும் அதற்காக இறைவன் வாக்களித்திருக்கும் நன்மைகளுக்காகவும் சுயநலத்தோடுதான் நான் பர்தா அணிகிறேன்.
========================================================================

சில வருடங்கள் முன்பு, என் மாமி என் மாமாவிடம் மரம் வளர்க்கச் சொல்லி எத்தனையோ நோட்டிஸ், விலம்பரமெல்லாம் பார்க்கிறோமே... நம் வீட்டு முன்னாடியும் ஒரு மரம் வைப்போமா எனக் கேட்டவுடன் ஆகா... நம் மாமிக்குத் தான் எத்தனை சமூகப்பற்று....தேசப்பற்று... என நினைத்துப் பெருமிதம் கொண்டேன். பிறகுதான் இந்த ஹதீஸ் அறியப்பெற்றேன்.

6012. இறைத்தூதர்(ஸல்) அவர்கள் கூறினார்கள்'
ஒரு முஸ்லிம் மரம் ஒன்றை நட்டு அதிலிருந்து ஒரு மனிதனோ அல்லது (மற்ற) உயிரினமோ உண்டால் (அதன் காரணத்தால்) ஒரு தர்மம் செய்ததற்கான பிரதிபலன் அவருக்குக் கிடைக்காமல் இருப்பதில்லை.
என அனஸ் இப்னு மாலிக்(ரலி) அறிவித்தார்.

மரம் நட முனைந்தவுடன் அதை முருங்கை மரமாகத் தேர்வு செய்து இறைவனின் நற்கூலிகளைப் பெறுவதற்காகவும் செய்த சுயநல செயலேயின்றி வேறில்லை என்பதைப் பிறகு தெரிந்து கொண்டேன்.
========================================================================

உலகின் எந்த மூலையில் அநீதி இழைக்கப்பட்டாலும் உலகின் அனைத்து மூலைகளிலிருக்கும் முஸ்லிம்களிடமிருந்து பலத்த எதிர்ப்பும் கண்டன்ங்கள் வருவதை நாம் கண்கூடாக்க் காண்கிறோம். அநீதமிழைக்கப்பட்டவர்களுக்க்த் தம் ஆதரவையும் அனுதாபங்களையும் அக்கறையையும் இவர்கள் தெரிவிக்கிறார்கள் என நினைத்தேன். ஆம்...அதேதான்... பிறகுதான் இந்த ஹதீஸ் தெரிந்துகொண்டேன்.

நபி (ஸல்) அவர்கள் கூறினார்கள்: உங்களில் ஒருவர் வெறுக்கத் தகுந்ததைக் கண்டால் அதை தனது கரத்தால் மாற்றட்டும். அதற்கு சக்தி பெறவில்லையெனில் தனது நாவால் மாற்றட்டும். அதற்கும் சக்தி பெறவில்லையெனில் தனது மனதால் வெறுத்து விடட்டும். இது ஈமானின் பலவீனமான நிலையாகும்.” (அறிவிப்பவர்: அபூசயீத் அல்குத்ரீ (ரலி) ஆதாரம்: முஸ்லிம் ஹதீஸ் இலக்கம்:78)

நபி (ஸல்) அவர்கள் கூறினார்கள்: மனிதரைப் பற்றிய அச்சம் நீங்கள் சத்தியத்தைக் கூறுவதிலிருந்தோ, மகத்தானதை (அல்லாஹ், மறுமை நாளை) நினைவுபடுத்துவதிலிருந்தோ உங்களைத் தடுத்துவிட வேண்டாம். ஏனெனில் அவ்வாறு செய்வது நிச்சயமாக உங்களது ஆயுளைக் குறைத்துவிடவோ, உணவை தூரமாக்கிவிடவோ முடியாது.” (ஸுனனுத் திர்மிதி)

அவ்வாறு கண்டன்ங்களைத் தெரிவிக்காதவர்கள் எல்லாம் கோழை எனவும் மனிதர்களின் பிரதி செயல்களுக்கு அஞ்சுபவர்கள் எனவும் நினைத்திருந்தேன். இவர்கள் அல்லாஹ்விற்கு அஞ்சாமல் அநீதம் செய்யும் மக்களுக்குப் பயந்து தான் தமது கோபத்தை அடக்கி வெளிப்படுத்தாமலும் எந்த எதிர்ப்பும் காட்டாமலும் சமூகத்திலிருந்து ஒதுங்கி வாழ்கிறார்கள் எனவும் நினைத்திருக்கிறேன். பிறகுதான் இந்த குர் ஆன் வசனம் அறியப்பெற்றேன்.

3:134 (பயபக்தியுடையோர் எத்தகையோர் என்றால்,) அவர்கள் இன்பமான (செல்வ) நிலையிலும், துன்பமான (ஏழ்மை) நிலையிலும் (இறைவனின் பாதையில்) செலவிடுவார்கள்; தவிர கோபத்தை மென்று விழுங்கி விடுவார்கள்; மனிதர்(கள் செய்யும் பிழை)களை மன்னிப்போராய் இருப்பார்கள்; (இவ்வாறு அழகாக) நன்மை செய்வோரையே அல்லாஹ் நேசிக்கின்றான்

ஆக, இவர்கள் கோபத்தைக் காண்பிப்பதும் அல்லது பொறுமையுடன் செல்வதற்கும் இவர்கள் முதற்முக்கியக் காரணமாக்க் கருதுவது இறைவனிடம் அவர்களுக்காக ஏற்பாடு செய்யப்பட்டு இருக்கும் நன்மைகளைத்தானேயன்றி மற்ற இரக்கம், அக்கறை, பச்சாதாபம் எல்லாம் இரண்டாம் பட்சம்தான்.
========================================================================

முன்பு நான் வழக்கமாகப் பங்கெடுத்த குர் ஆன் வகுப்பில் மரம் நடுதல் போன்ற நாம் செய்யும் நற்செயல்களுக்கு நாம் கொடுக்க வேண்டிய முக்கியத்துவம் மனிதாபிமான அடிப்படையில் இருக்கவேண்டுமா அல்லது இறைவன் அளிக்கவிருக்கும் அந்நன்மைகளுக்கான நற்கூலிகளை எதிர்பார்த்து செய்ய வேண்டுமா என்ற கேள்வி எழுந்த்து. அதாவது ஒரு செயலின் அடிப்படை பிறர்நலம் நோக்குதலா அல்லது (இறைவன் தனக்குக் கொடுக்கவிருக்கும் நன்மைகளை எதிர்பார்க்கும்) சுயநலமா என்பதே கேள்வி.

பதில் இவ்வாறு கூறப்பட்ட்து: கண்டிப்பாக மேற்கூறப்பட்ட சுயநலத்தோடு தான் ஒவ்வொரு செயலையும் செய்ய வேண்டும்”.

பதிலை இன்னும் ஆழ்ந்து சிந்தித்தால் இன்னொரு உண்மையும் புலப்படும். தொடர்ந்து பிறர்நலத்தோடு செய்யப்படும் செயல்கள் சில நேரங்களில் சலிப்பைத் தரக்கூடும். ஏன் நமக்காக மட்டும் வாழக் கூடாது என்ற எண்ணம் தோன்ற வாய்ப்புண்டு. இதையே... இறைவனுடைய பொருத்தத்திற்காகவும் அவன் தரும் நற்கூலிக்காகவும் நம்முடைய சுயதேவைக்காகச் செய்தால் கூட அச்செயலை அவன் அனைவருக்கும் நலமாக்கி வைக்க வல்லவன்.

ஆக, இஸ்லாம் மனிதர்கள் செய்யும் ஒரு செயலை நியாயப்படுத்தி அச்செயலுக்காக அவர்களுக்கு மறுமையில் நன்மைகளைக் கூலியாக வாக்களிக்கிறது என்றால் அச்செயல் இவ்வுலகத்திற்கும் அதன் ஜீவன்களுக்கும் நல்வித பாதிப்புகளையே உருவாக்கவல்லவை எனவும் இவ்வனைத்திலிருந்தும் தெளிவாகிறது. முஸ்லிம்கள் செய்வதை வைத்து இஸ்லாத்தை எடை போடுவதைத்தவிர்த்து இஸ்லாம் கூறுவதை வைத்து அதனை ஆராய வேண்டும். 

ஆமா... பழிக்குப் பழி வாங்கச் சொல்லும் மதம், நான்கு மனைவிகள் வைத்துக் கொள்ளச் சொல்லும் மதம், இதையெல்லாம் எப்படித்தான் ஏத்துக்கிட்டு ஜால்ரா போடுறீங்களோ தெரியலைன்னு பல இடங்களில் பலர் சொல்லிட்டு இருக்கிறதுதானே நினைவிற்கு வருகிறது. ஒரேயொரு விஷயம்... சினிமாவில் ஹீரோ தனக்கு அநீதி இழைத்தவனை க்ளைமாக்ஸில் கொன்று பழி தீர்த்தால் கைதட்டி, விசிலடித்து, அந்த ஹீரோவிற்கு கட்-அவுட் வைத்து, அவருக்கு நிஜ வாழ்வில் உடம்பு முடியலேன்னா அவருக்காக ப்ரார்த்தனை எல்லாம் செய்யப்படுகின்றன... அதே நியாத்தை நிஜ வாழ்வில் சொன்னா கசக்குது.... அந்த நியாயத்தைச் செயல்படுத்தும் முஸ்லிம்களை தீவிரவாதின்னு சொல்வது எந்த வித்த்தில் நியாயமாகும்??! தனக்கு ஏற்பட்ட பேரிழப்பினால் அநீதம் இழைக்கப்பட்டவர் தன்னுடைய கோபத்தைக் கட்டுப்படுத்தவே பழி வாங்குவது போல் தோன்றினாலும் இனி அடுத்து தவறு/அநீதி இழைப்பவரைத் தான் இப்பழி வாங்கும் நடவடிக்கை தடுக்கும் என்பது புலப்படும். ஆக இதிலும் சமூகநலத்திற்கு இட்டுச்செல்லும் சுயநலம்.

உயிருக்கு உயிர், கண்ணுக்குக் கண், மூக்குக்கு மூக்கு, காதுக்குக் காது, பல்லுக்குப் பல் மற்றும் காயங்களுக்குப் பதிலாக அதே அளவு காயப்படுத்துதல் ஆகியவற்றை அதில் அவர்களுக்கு விதியாக்கினோம். (பாதிக்கப்பட்ட) யாராவது அதை மன்னித்தால் அது அவருக்குப் (பாவங்களுக்குப்) பரிகாரமாக ஆகும்.
அல்லாஹ் அருளியதன் அடிப்படையில் தீர்ப்பளிக்காதோர் அநீதி இழைத்தவர்கள்.
(அல் குர் ஆன் 5:45)
  
========================================================================

நான்கு மனைவிகளிடமும் நீதமாக நடந்து கொண்டால் யாருக்கு என்ன குறைந்து விடப் போகிறது??! இது குறித்து பலர் பக்கம் பக்கமாக பலருக்கு விளக்கம் கொடுத்து இருக்கிறார்கள். அதில் சில உங்கள் பார்வைக்கு இந்த விளக்கமும்...இந்த விளக்கமும்.... கண்டிப்பாக, தெளிவு கிடைக்கும்.

இறைவனுக்காகவும் அவன் தரவிருக்கும் நற்கூலிகளுக்காகவும் செய்யும் எந்தச் செயலாயினும், அது பக்கா சுயநலமாக இருந்தாலும், எந்த நிலையிலும் பிறர் நலம் பேணுவதாகவே அமைகின்றன. நன்மைகளை எதிர்பார்க்கும் சுயநலமின்றி பிறர்நலம் இல்லை... பிறர்நலமின்றி (சுவனம் செல்லுதல் எனும்) சுயநலம் இல்லை. இறைவனது அடிமைகளாய் இருந்து அவன் தரும் கூலிக்காக செய்யும் எச்செயல்களும் நற்செயல்களே...இது போல், இஸ்லாம் கூறும் ஒவ்வொன்றிலும் உண்மையை உணர்ந்து கொள்ள வேண்டுமெனும் உத்வேகத்தில் மட்டும் ஆராய்ந்தால் பதில் நிச்சயம் கிடைக்கும்.
========================================================================

17 comments:

Anonymous said...

முஸ்லிம்களின் சுயநலம் என்ற தலைப்பில் இருக்கும் பதிவு அருமை..
எழுத்துக்களும் , வாக்கியங்களை வடிவமைத்ததும் உங்களின் திறமையை காண முடிகிறது...

வழிபாதையில் இருக்கும் கல்லையும், முல்லையும் அகற்றுவது சமூகப்பணி
அதைப் பற்றி இஸ்லாம் கூறி உள்ளதும் அருமை.

நல்ல காரியங்களுக்காக செலவு செய்தலும், அதனால் கிடைக்கும் நன்மை விட
மன நிம்மதி , இதைப் பற்றி இஸ்லாத்தின் விளக்கம் தந்ததும் சொல்லவே வேண்டாம்..

பர்தா அணிதல் , கற்றுத் தந்த பேராசியரை இன்னமும் மறக்காமல் நினைவில்
வைத்திருப்பது , அவரின் மீதுள்ள கண்ணியத்தை காட்டுகிறது .

வீட்டிற்க்கு ஒரு மரம் வளர்த்தால் ,
மழை வளம் பெரும்
பூவி வெப்பமாதல் குறையும்
காற்று மாசுபாடு குறையும் ... இதை தான் கேள்வி பட்டேன்.
இதற்கும் ஆதாரமாக இஸ்லாத்தின் ஹதிஸ் கூறியதும் அருமை...

உலகில் நடக்கும் அநீதி கண்டும், கேட்டும்
அதை நீ! எதிர்த்தாலோ ! கண்டனம் செய்தாலோ !
நீயும் . நானும் சகோதரனே ! என்ற சே கு வேரா சொன்னது தான் நினைவு
அதற்கும் பல நூறு ஆண்டுகளுக்கு முன்னே! இது போன்ற ஹதிஸ்..!

பழிக்கு பழி என்று இருந்தாலும், மன்னிப்பவனே ! மனிதன்
அதுவே இறுதி தீர்ப்பு என்ற ஹதிஸ் .. சொல்லவே வேண்டாம் .. அருமை.. அருமை...

இப்படி, அனைத்திற்கும் பெருமை செய்து எழுதிய நீங்கள் ..
நான்கு மனைவி பற்றி ஏன் எழுது நீர்கள்...?

ஒன்ன வச்சு , அவன்னவன் படும் பாடு ,, பெரும்பாடு...
நான் என்ன சொல்ல.. போங்க...

Anonymous said...

முஸ்லிம்களின் சுயநலம் என்ற தலைப்பில் இருக்கும் பதிவு அருமை..
எழுத்துக்களும் , வாக்கியங்களை வடிவமைத்ததும் உங்களின் திறமையை காண முடிகிறது...

வழிபாதையில் இருக்கும் கல்லையும், முல்லையும் அகற்றுவது சமூகப்பணி
அதைப் பற்றி இஸ்லாம் கூறி உள்ளதும் அருமை.

நல்ல காரியங்களுக்காக செலவு செய்தலும், அதனால் கிடைக்கும் நன்மை விட
மன நிம்மதி , இதைப் பற்றி இஸ்லாத்தின் விளக்கம் தந்ததும் சொல்லவே வேண்டாம்..

பர்தா அணிதல் , கற்றுத் தந்த பேராசியரை இன்னமும் மறக்காமல் நினைவில்
வைத்திருப்பது , அவரின் மீதுள்ள கண்ணியத்தை காட்டுகிறது .

வீட்டிற்க்கு ஒரு மரம் வளர்த்தால் ,
மழை வளம் பெரும்
பூவி வெப்பமாதல் குறையும்
காற்று மாசுபாடு குறையும் ... இதை தான் கேள்வி பட்டேன்.
இதற்கும் ஆதாரமாக இஸ்லாத்தின் ஹதிஸ் கூறியதும் அருமை...

உலகில் நடக்கும் அநீதி கண்டும், கேட்டும்
அதை நீ! எதிர்த்தாலோ ! கண்டனம் செய்தாலோ !
நீயும் . நானும் சகோதரனே ! என்ற சே கு வேரா சொன்னது தான் நினைவு
அதற்கும் பல நூறு ஆண்டுகளுக்கு முன்னே! இது போன்ற ஹதிஸ்..!

பழிக்கு பழி என்று இருந்தாலும், மன்னிப்பவனே ! மனிதன்
அதுவே இறுதி தீர்ப்பு என்ற ஹதிஸ் .. சொல்லவே வேண்டாம் .. அருமை.. அருமை...

இப்படி, அனைத்திற்கும் பெருமை செய்து எழுதிய நீங்கள் ..
நான்கு மனைவி பற்றி ஏன் எழுது நீர்கள்...?

ஒன்ன வச்சு , அவன்னவன் படும் பாடு ,, பெரும்பாடு...
நான் என்ன சொல்ல.. போங்க...

Aashiq Ahamed said...

சகோ பானு,

வ அலைக்கும் சலாம்,

சகோதரிகளின் எழுத்தாளுமை கண்டு நான் பல நேரங்களில் வியந்ததுண்டு. உங்களின் இந்த கட்டுரை என்னுடைய அத்தகைய எண்ணத்திற்கு மேலும் வலு சேர்க்கின்றது. மிக அழகான எழுத்து நடை, சொல்ல வந்த விஷயத்தை வித்தியாசமாய் அணுகியவிதம், இவை எல்லாவற்றிற்கும் மேலாக மிக அருமையான உள்ளடக்கத்தை கொண்ட பதிவு. மாஷா அல்லாஹ். உங்களின் கல்வி அறிவை அதிகரிக்க இறைவன் போதுமானவன்...

சிராஜ் said...

ஆஹா... பொதுக்காரியங்கள் ஒவ்வொன்றையும் சொல்லி, அவை அனைத்தும் இஸ்லாம் கற்று கொடுக்கிறது என்பதை அழகாக குரான் வசனங்கள் மற்றும் ஹதீஸ் மூலம் நிறுவி உள்ளீர்கள்...

சிராஜ் said...

எழுத்து நடை அருமை...
அடிக்கடி எழுதுங்க.... :)

Anonymous said...

மேடம்,

மறுமையில் பெண்களுக்கும் 72 ஹூரிகளா இல்லை 72 ஆண்மக்களா?

தெளிவுபடுத்தினால் தன்யனாவேன்.

அர அல said...

ALLAHU AKBAR

G u l a m said...

அஸ்ஸலாமு அலைக்கும் வரஹ்மத்துல்லாஹி வ பரக்காத்து ஹூ


இஸ்லாம் முன்னிருத்தும் சமூக பணிகளை வித்தியாசமான கோணத்தில் அணுகி இருக்கிறீர்கள்..

மாஷா அல்லாஹ் சொல்லும் பாணியும் அருமை...

நல்லதொரு பதிவிற்கு வாழ்த்துகள் சகோதரி

Ayushabegum said...

அஸ்ஸலாமு அலைக்கும் வரஹ்

மாஷா அல்லாஹ்..அருமையான பதிவு..தெரிந்த விஷயங்களை வித்தியாசமாக அணுகிய விதம் தங்களின் திறமையை காட்டுகிறது..

சரளமான எழுத்து நடை..சொல்லிய விதம் அனைவரின் மனதிலும் பதியும் வண்ணம் உள்ளது.

நல்லதொரு பதிவுக்கு நன்றி பானு சகோ..:)

ஸாதிகா said...

கூறிய விதமும் குர் ஆன் ஹதீஸ்களில் இருந்து எதுதியம்பிய விதமும் நிறைவாக இருந்தது.அதிலும் பர்தா மேட்டர்,அதற்கான விளக்கமும் மிக அருமையாக சொல்லி இருக்கீங்க.

enrenrum16 said...

ஸலாம் சுல்தான் இப்ராஹிம். இப்பதிவின் மூலம் பல ஹதீஸ்களை உங்களுக்கு அறிமுகப்படுத்தியதில் எனக்கும் மிக்க மகிழ்ச்சி.

/நான்கு மனைவி பற்றி ஏன் எழுது நீர்கள்...?/ நான்கு மனைவி என இறைவன் சொல்லியிருப்பதால் அனைவரும் நான்கு மனைவிகளுடனா இருக்கிறார்கள்... உங்களால் நீதம் செய்ய முடியாது என நீங்கள் நினைத்தால் அப்பொழுது உங்களுக்கு ஒன்றே போதும் என்றும் அதே இறைவன் தான் சொல்லியிருக்கிறான். இறைவனின் சட்டம் நம்மை கட்டுப்படுத்தவில்லை ... மாறாக... ஒழுக்கப்படுத்துகிறது என்பதே உண்மை.

தங்கள் கருத்துக்கு மிக்க நன்றி.

enrenrum16 said...

சகோ ஆஷிக் அஹமது

எனது ஒவ்வொரு பதிவிற்கும் கிடைக்கும் உங்களது ஆதரவும் பாராட்டும் என்னை இடையிடையே ஆகினும் நல்ல ஆக்கங்களை அளிக்க ஊக்குவிக்கிறது. ஜஸாக்கல்லாஹ்.

/உங்களின் கல்வி அறிவை அதிகரிக்க இறைவன் போதுமானவன்... / ஆமீன்.

enrenrum16 said...

சகோ. சிராஜ்
சகோ. அர அல
சகோ. குலாம்

ஆயிஷா அக்கா
ஸாதிகா அக்கா

உண்மைகளை வித்தியாசமான கோணத்தில் சிந்திக்க வைத்த இறைவனுக்கே அனைத்துப் புகழும். உங்கள் மற்றும் பலரின் பதிவுகளும் இப்பதிவுக்கு முன்மாதிரியாக அமைந்துள்ளன. அதற்காக எனது மனமார்ந்த நன்றியைத் தெரிவித்துக் கொள்கிறேன்.

enrenrum16 said...

@Anonymous

/மேடம்,

மறுமையில் பெண்களுக்கும் 72 ஹூரிகளா இல்லை 72 ஆண்மக்களா?

தெளிவுபடுத்தினால் தன்யனாவேன்./

இஸ்லாத்தில் அப்படி எதுவும் இல்லை. இறைவனுக்கு யார் யாருக்கு எது எது யாருக்கு தேவையோ அதைக் கொடுக்க வல்லவன். அனைத்தும் அறிந்தவன்.

முதலில் மனிதத்துடன் பிறரை அணுகுங்கள். அதுக்கப்புறம் தன்யன் ஆகலாம்.

இனியாவது, பெயரோடு மற்றும் பதிவுக்குச் சம்பந்தப்பட்ட முறையில் கேள்வி கேட்க முயலுங்கள். (உங்கள் பெயர் வெளியே சொல்லமுடியாத அளவிற்கா கேவலமாக இருக்கிறது? )

Yasmin Riazdheen said...

அஸ்ஸலாமு அலைக்கும் வரஹ் சகோதரி..

மாஷா அல்லாஹ் மிகவும் அருமையான தொகுப்பு...

எழுத்து நடை அதை விட அருமை..

வார்த்தைகள் இல்லை வர்ணிக்க..

வல்ல இறைவன் உங்களுக்கு மென்மேலும் கல்வி ஞானத்தை அதிகரிப்பானாக!!

ஆமின் ஆமின்

enrenrum16 said...

வ அலைக்கும் சகோஸ்

/மாஷா அல்லாஹ் மிகவும் அருமையான தொகுப்பு.../
இன்னும் நிறைய உதாரணங்கள் இருக்கு.... சாதாரணமாக ஒருவரைக் கண்டால் நாம் செய்யும் புன்னகை கூட இறைவனின் நன்மைகளை நமக்கு சம்பாதித்து தருகிறது.

வல்ல இறைவன் உங்களுக்கு மென்மேலும் கல்வி ஞானத்தை அதிகரிப்பானாக!!
/ ஆமீன். ஜஸாக்கல்லாஹ் யாஸ்மின் .

abdul said...

arumai